Afrikaanse superster Janie Bay is weereens besig om grense te verskuif met haar langverwagte tweede Afrikaanse album, Prisma. Die album is ‘n samevloeisel van liedjies wat geskryf is tussen 2019 en vroeg-2021.
Met persoonlike temas soos familie, die liefde, passie, verlies en aanmoediging as hoeksteen, is dit ‘n meesterlike smeltkroes van uiteenlopende musikale teksture wat wye draaie gooi tussen lieflike ballades en ligte pop-musiek, asook ‘n goeie dosis elektroniese adrenalien.
Die sewe snitte (wat op Prisma is), hoewel dit oënskynlik heelwat van mekaar verskil, vorm ‘n prismatiese matriks waarin Janie Bay mildelik tussen verreikende klanke en emosies beweeg. Treffers op die album sluit onder andere die radio-gunsteling “Ek Glo Nog In Jou” met Danie Reënwolf in, sowel as die nuwe enkelsnit “My Lief” met Majozi en Early B, asook ‘n lieflike weergawe van die gewilde Fokofpolisiekar-liedjie “Tevrede”.
Janie Bay sê dat sy dit geniet om liedjies te skryf oor die dinamika van Liefde. Sy verduidelik dat die boodskap van die huidige enkelsnit “My Lief” eerlik en eenvoudig is
“Verhoudings is nie perfek nie. Soms raak dinge gejaagd of deurmekaar, maar dan moet mens onthou dat pasmaats deur middel van ware toewyding deur dik en dun saam kan staan.”
Die liedjie “Kalmeer” gaan oor die onvoorspelbare wêreld waarin ons tans leef. Janie Bay vertel:
“Dinge beweeg vreeslik vinnig deesdae en dit voel asof daar tans so baie onverwagte dinge oor ons almal se pad kom. Ons het almal bietjie kalmer waters nodig.”
“Ek Glo Nog in Jou” wat Bay saam met Danie Reënwolf in 2020 opgeneem het, het onlangs die gesogte nommer 1 posisie op Jacaranda FM se internasionale CTM trefferlys gehaal, en die video van die liedjie het tot op datum reeds meer as ‘n halfmiljoen klieks op YouTube gehad.
Janie Bay het in 2017 as SAMA-genomineerde kunstenaar en internasionale pryswenner aangesluit by Warner Music South Africa. Haar musiek is al meer as 6 miljoen keer gestroom en volgens RadioMonitor.com het haar Afrikaanse enkelsnitte die afgelope twee jaar meer as 90 miljoen luister-trefslae gehaal.
Janie Bay vertel dat sy baie opgewonde is om haar nuwe album (Prisma) vry te stel
“Ek het baie nader gevoel aan my luisteraars en medekunstenaars terwyl ek hierdie album vervaardig het. Die liedjies is persoonlik, maar dis ook ‘n uitdrukking van alles waardeur ons as mensdom tans gaan, en ek dink almal wat daarna luister sal daarby aanklank vind.”
Prisma is nou beskikbaar op alle gewilde digitale platforms. Klik hier om dit te stroom/ download.
Wees op die uitkyk vir gereelde opdaterings in die Music News kategorie op SA Music Zone.
To stay in the loop with all things SA Music, subscribe to our newsletter or join our WhatsApp Community.
If you like this website is doing for the SA Music Scene, feel free to buy us a beer!
If you're looking for something to do, check out our SA Gig Guide. Alternatively. feel free to check out our Featured Posts or scroll down to see a list of related posts.
Want to discover fresh music? Follow our editor's 2024 playlist on Spotify or YouTube Music or check out his 2024 Music Videos playlist on YouTube. These playlists are updated regularly.
Feel free to follow @hennokruger on TikTok or subscribe to SA Music Zone on YouTube.
If you're looking for the latest entertainment news, check out Running Wolf's Rant.
Feeling factual? Check out Interesting Facts.
Living in South Africa? Need to save up some moolah? Start investing today with Easy Equities, the simple and affordable platform for everyone. Access local and international stocks, ETFs, and more with no minimum investment required. Sign up now and take control of your financial future!
