Goeie nuus! Janie Bay het ‘n nuwe akoestiese album uitgereik, “In Die Sitkamer”. Die gewilde sangeres se musiek is sedert 2019 reeds meer as twee en `n half miljoen keer op digitale platforms gestroom.
Haar Afrikaanse enkelsnitte “Amper Daar”, “Die Heelal” en “Jammer” wat in die afgelope jaar en `n half deur Warner Music South Africa uitgereik is, het verskeie nommer 1 posisies behaal en het volgens RadioMonitor.com, gesamentlik reeds meer as 3 000 keer op Suid -Afrikaanse Radio stasies landwyd gespeel. Die huidige enkelsnit “Jammer” is hierdie week nommer een op Jacaranda FM se SA Top 20.
Met aanhangers wat bly vra vir meer, wou Janie Bay aanvanklik vanjaar `n vol-produksie album opneem, maar met die inperkingsreëls was daar nie toegang tot studios en kon musikante ook nie bymekaar kom om liedjies op te neem nie. Janie het besef dat sy wel `n akoestiese album sou kon opneem. Die proses is net so eenvoudig soos die liedjies self.
Janie Bay vertel ons meer oor “In Die Sitkamer”
““In die Sitkamer” is so te sê my fated baby. En op `n manier neem dit my ook terug na waar alles begin het want dit is eintlik hoe my loopbaan afgeskop het: Ek en my broer was `n akoestiese duo wat baie rondgetoer het met ons musiek.”
Janie het in April vanjaar opgemerk dat mense reg oor die wêreld meestal rustiger musiek luister tydens die Covid-19 “lockdown.” Sy vertel ons meer oor dit
“Ek het self ook meer kalm begin voel as ek op my askoestiese kitaar sit en speel. Een van my wonderlikste herinneringe is hoe my pa altyd die liedjie “Fly Away” van John Denver gespeel het toe ons klein was. Daar is iets vertroostend aan akoestiese musiek en daarom, ten spyte van die tegniese noodsaaklikheid van `n kleiner produksie, voel dit sommer ook vir my reg om nou in hierdie tyd `n rustige, sielvolle album uit te reik.”
“In die Sitkamer” bied 8 akoestiese liedjies wat die afgelope jaar se drie treffers insluit, `n duet met Hunter Kennedy “Wag Vir Jou”, asook `n nuwe liedjie getiteld “Herfs.” Hierdie splinternuwe lied sou aanvanklik op die vol- produksie album wees. Janie werk al vir `n rukkie daaraan en het besef dat die “50`s rhythm en blues” gevoel van die liedjie lekker sal inpas by hierdie akoestiese album.
Daar is ook 2 covers op die album: die Elvis Presley treffer “Can’t Help Falling In Love With You” en “You Are My Sunshine” wat Janie Bay vir die bekende Afrikaanse film “Stroomop” opgeneem het”. Die album is in ‘n sitkamer opgeneem in die Spoegwolf huis, vandaar die naam van die album.
Janie Bay vertel ons hoe om “In Die Sitkamer” te geniet
“Ek dink die album is perfek vir ‘n “road trip” of selfs om by ‘n braai te luister, of ‘n Sondag oggend in die bed met ‘n koffie en beskuit. Ek hoop mense sal hierdie songs geniet!”
Jy kan Janie Bay se “In Die Sitkamer” HIER stroom. Om ‘n idee te kry van die album, luister na die akoestiese weergawe van “Sterrebrand” hier onder
Ek het na die album geluister vanoggend en ek moet se dat dit dat ‘n heartfelt en ‘n decent album is. Ek glo daar is baie mense wat hierdie album sal waardeer en geniet.
Wees op die uitkyk vir gereelde opdaterings in the Music News kategorie op SA Music Zone.
If you like what we do and you want to support us, feel free to buy us a coffee!
To stay in the loop with all things SA Music, Subscribe to our newsletter.
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow our editor's 2025 playlist on Spotify.
