Jako Meyer het die finale enkelsnit vanaf sy debuutalbum, Middernag Kantoor vrygestel. Die nuwe enkesnit is getiteld “Daar Wil Ek Wees” en dis ’n samewerking met Deon Meiring.
“Daar Wil Ek Wees” is in 2020 geskryf. Jako en Deon is al jarelange vriende as gevolg van Moses Metro Man en Glaskas se dae, en doen ook die teater vertoning, Die Wyndigters, saam. Die twee het al lank ’n behoefte gehad om saam te skryf, en het ’n gesprek gehad oor plekke waarheen hul gaan vir vrede.
Deon Meiring vertel ons meer
“Ek was vroeg 2020 saam met Jako in studio met “Daar Wil Ek Wees”. Jako wou graag hê dit moet ‘n liedjie wees oor plekke – beide fisies en andersins – waar mens veilig voel en weer in voeling kan kom met jou waarheid. Ons het nie toe geweet dat ons binnekort gestroop sou word van die vermoë om te reis na sulke plekke toe met die inperking nie. Toe dít gebeur het, het die song my eintlik gehelp om nog steeds daai plekke in my gedagtes te laat leef.”
Die duo fokus op sterk melodieë en lirieke om vrede te vind in hul gunsteling plekke. “Daar Wil Ek Wees” begin as ’n rustige ballade, maar kring uit na wat hul albei goed ken – ’n lekker, harde koor.
Jako Meyer vertel ons meer oor “Daar Wil Ek Wees”
“Die lewe raak vir ons almal net te veel op tye. Hoeveel te meer in hierdie tyd. Ons almal moet wegbreek – fisies, of in jou kop – om introspeksie te doen, te herlaai, en sodoende te oorleef. Daar wil ek wees.”
Jy kan “Daar Wil Ek Wees” HIER stroom / koop (as deel van die Middernag Kantoor album).
Wees op die uitkyk vir gereelde opdaterings in die Music News kategorie op SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
