Jako Meyer Reik Nuwe Enkelsnit Uit: "Ballito"

Augustus 2024 sien die vrystelling van ’n nuwe enkelsnit vanaf Jako Meyer, genaamd “Ballito”. “Ballito” kom na die vrystelling van sy vorige enkelsnit, “Oor My Voete Val” in April vanjaar.

Jako Meyer beskryf “Ballito” as een van sy gunsteling plekke

Hy het die liedjie in Junie 2024 neergepen met die liefde tussen mense en ’n goeie tyd in “Ballito” as inspirasie.

“Ek is baie lief vir “Ballito”. Die idee van die see, naglewe en die liefde en herinneringe tussen mense is vir my magies.” sê Jako.

’n Lekker luisterliedjie met ’n opsetlik rustiger aanslag as wat aanhangers gewoond is van Jako Meyer, is juis geskryf vir almal met ’n liefde vir “Ballito” – ’n plek war jy vir ’n oomblik kan vergeet en jou beste lewe leef met net goeie tye.

Opgeneem in Potchefstoom saam met Johan Viljoen wat ook help skryf het aan die liedjie – wou die duo juis die nostalgie van “Ballito” vasvang met die rustiger effek van die nuwe enkelsnit:

“”Ballito” is vir almal wat herinneringe het van die dorp, of nog gaan maak, hetsy saam met vriende, familie, of die liefde van jou lewe.” sê Jako.

Jy kan “Ballito” HIER stroom / aflaai.

Jako Meyer skiet tans as akteur aan die kykNET reeks, Diepe Waters. Sy tweede vollengte album, Singergie in die Aande, sal op 25 Oktober vanjaar vrygestel word.

Hou jou ogies oop vir gereelde opdaterings in die Music News kategorie op SA Music Zone.