Die “Plekkie in die Son” musiekvideo hier! Die Heuwels Fantasties het die afgelope jaar gewys hoekom hulle steeds een van Suid Afrika se mees vooruitstrewende musiekgroepe is. Ten spyte van die uitdagings, het DHF in 2020 drie nuwe albums uitgereik. “2021” wat in Mei die lig gesien het, het drie treffers gelewer wat altesaam reeds om en by `n honderd miljoen luisteraars op radio bereik het. Liedjies van al drie albums, wat dan ook “Live in Lockdown” en “Herverbeel” insluit, is ook van die gewildste musiek wat daagliks op digitale platforms gestroom word.
Terug by 2021, het Die Heuwels besluit om nou ook `n video vir die liedjie “Plekkie in die Son”, wat hulle saam met Early B opgeneem, het te maak. Die talentvolle Damiane van Reenen het die video geskiet en geredigeer.
Hunter Kennedy vertel ons oor “Plekkie in die Son”
“Die liedjie het ‘n spesiale hoekie in my hart. Ek is bly ons maak ‘n video vir hom. Dit was ‘n ‘serious group effort’ song en ek vind aanklank by die emosie wat dit wek. ‘Melankoliese danspartytjie’ is hoe ek die liedjie sou beskryf en Damian het homself uitstekend van die taak gekwyt om dit te kon vasvang.”
Kyk die video vir “Plekkie in die Son” hier onder
Dan, as jy na Die Heuwels se live shows verlang het, is daar goeie nuus! Hulle speel op Sondag 18 April by Nooitgedacht wynplaas in Stellenbosch. Early B en Corné Pretorius gaan ook optree. Dit is n piekniek-konsert en DHF stel ook hul eie wyn bekend!
Slegs 500 kaartjies beskikbaar vir die vertoning. Moenie uitmis nie! Dit is DHF se eerste LIVE show in die Kaap sedert lockdown.
Kaartjies is R300 (Kinders onder 12 Halfprys @ R150 en Kinders onder 3 GRATIS)
1. Beperkte kaartjies sluit DHF se eerste wyn-colab met meesterwynmakers Gavin Bruwer en Bruwer Raats van B Vintners-faam in, asook fynproe-boer Danie Carinus (Carinus Family Vineyards) met sy pragtige spogwyndruiwe. Dis ’n klein beperkte oplaag CHENIN BLANC wat geproduseer is en dis 1ste en eksklusief by dié aangeleentheid te vinde.
2. Watch this space. Hierdie is net die begin ons noem dit DIE HEUWELS FANTASTIES FAMILIE WYNE.
3. SLEGS 390 bottels is gebottel vir die oesjaar! Moenie uitmis nie.
4. Jy kan ook ‘n piekniek boks / burger en chips vooraf bestel en daar sal kos stalletjies wees.
5. SLEGS 20 VIP KAARTJIES BESKIKBAAR vir elke show en sluit ‘n kis (6 bottels) van die wyn asook kos in.
Voorprogram deur Corné Pretorius. Pretorius is bekend vir sy liedjies Halfvol, Vuur en Vlam, Vergewe My en Biertjies wat hy onlangs saam met Die Heuwels en Ampie uitgereik het.
Kry jou kaartjies HIER.
Wees op die uitkyk vir gereelde opdatering in die Music Videos kategorie op SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
