Die Afrikaanse rocker Zaan Sonnekus is terug met sy nuutste enkelsnit, “Spoed” – ’n rou en energieke rockliedjie met ’n alternatiewe kant, wat die onverbiddelike tempo van die lewe vasvang.
“Die lewe is onvoorspelbaar en vinnig. Veral in hierdie bedryf – jy moet rêrig kop hou, want die industrie kan jou heel insluk. ‘Spoed’ gaan oor daardie gevoel dat die lewe jou soms vooruit hardloop, en jy self moet besluit of jy gaan vasbyt of meegevoer word,” verduidelik hy.
Vir Zaan Sonnekus is die liedjie ook ’n eerlike kyk na sy lewe op die pad saam met sy orkes – die konstante flits van busritte, soundchecks en vertonings.
“Ek sal dit vir niks ruil nie, maar dis só vinnig dat jy dit nie altyd regtig inneem nie. Soms moet jy terug sit en net luister – al is dit in ’n toerbus.”
“Spoed” is geskryf deur Zaan en die veelbekroonde liedjieskrywer Marco van Deventer. Dit is die eerste keer dat hy iemand anders se lirieke in sy musiek toelaat.
“Aanvanklik was dit vreemd om iemand anders se invloed in te bring, maar van die begin af het dit presies beskryf hoe my lewe op die pad voel. Sonder Marco sou hierdie liedjie nie bestaan nie.” sê Zaan Sonnekus
Die produksie is deur Ruan Graaff behartig, met bydraes van kitaarspeler Kyle Botha op die dromme.
Die liedjie is geïnspireer deur die spoed waarteen Zaan se loopbaan en persoonlike lewe die afgelope jaar beweeg het. Dit is ’n eerlike weergawe van sy huidige fase: energiek, intens en vol drome.
“Dit gaan oor die opwinding, maar ook oor die verliese – verjaarsdae, troues en mense wat jy mis. Tog is dit deel van die pad wat ek gekies het.”
Hy glo die publiek gaan die liedjie aanvoel: “Almal ervaar spoed op hul eie manier – of dit nou oorweldigend is, of hulle daardie adrenalien soek. Ek dink dis ’n liedjie wat jy hard in jou kar wil speel of saam wil skree by ’n show. Ek wil hê dit moet jou herinner dat jy jou eie spoed mag kies – al is dit net vir drie minute.”
Die musiekvideo vir “Spoed” vang die energie van die liedjie vas deur ware oomblikke uit Zaan se lewe op die pad te wys. Dit kombineer chaos, adrenalien en vryheid met rou, rebelse tonele.
Die video is op ’n Sondagaand in Pretoria geskiet – by ’n vulstasie, langs die hoofweg en selfs op ’n geïmproviseerde plek waar die bussie sommer net gestop het.
Kyk die video hier onder:
“Daardie spontane deel is ironies genoeg my gunsteling,” sê Zaan Sonnekus.
Jy kan “Spoed” HIER stroom/aflaai.
Wat Lê Voor vir Zaan Sonnekus?
Zaan Sonnekus werk tans aan sy tweede album, bou aan sy eie onafhanklike platemaatskappy en beplan groter vertonings, van feeste tot unieke produksies.
“Elke dag skryf en komponeer ek nuwe musiek – ek voel soos iemand wat voluit jaag na die volgende groot ding.”
Een van sy loopbaanhoogtepunte tot dusver was sy optrede by Krone einde Augustus, waar hy as rockkunstenaar sy eie plek op ’n massiewe verhoog kon inneem.
Hou jou ogies oop vir gereelde opdaterings in die Music Videos kategorie on SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
