Die sanger Christof Berg het Afrikaanse musiekliefhebbers se harte gesteel met die uitreiking van sy debuut-enkelsnit “Wil jy sien hoe lyk die Hemel” in November 2023.
Aanhangers kan nou luister na hierdie gewilde kunstenaar, wat oor twee dekades al in 40 lande opgetree het, se tweede offisiële enkelsnit, “Movie” wat vandag (die 15de Maart 2024) uitgereik is. Ons het met hom gesels oor dié nuwe uitreiking.
Geluk met jou nuwe enkelsnit. “Movie” Vertel ons wanneer het jy die liedjie geskryf en wat het dit inspireer?
“Baie dankie! Movie was geskryf aan die einde van 2023 as deel van die storielyn vir my vertoning “Verhale van n nomade” Dit verwys na n sorgelose tyd van spontane musikale reise deur die wereld en al die andersheid van werelde ver hier vandaan.”
Jy het al in meer as 40 lande opgetree. Hoe is dinge vir ‘n kunstenaar oorsee anders en watter aspekte bly dieselfde as dit by optredes kom?
“Dit sal folios vat om werklik te kan beskryf! Elke land is heeltemaal anders. Europese gehore is bv besonders opgevoed en formeel, Amerikaanse gehore is weer geweldig deelnemend, in Ierland word die gehoor deel van die kunstenaar se vreugde en pyn, so kan ek aangaan.”
“Daar is egter geen groep mense in die wereld wat meer vriendelik, verwelkomend en wat jou met oper arms ontvang as die Afrikaanse gehoor nie. Ons bly n klomp bitter spesiale mense. Maar wat altyd die selfde vir my bly, is hoe uniek elke mens se ervaring is. Hoe een liedjie n totale ander betekenis kan he vir een mens as vir n ander.”
Watter land was vir jou die een waarheen jy altyd sal wil terugkeer?
“Italië, sonder twyfel. Dit is soos om binne in n opera te lewe.”
Watter lande het die mees talentvolle sangers wat jy al ontdek het?
“Ierland. Hulle is die mees beskeie, talentvolste mense wat ek nog gesien het. Saans kom hulle in groot groepe bymekaar en begin spontaan musiek maak.”
“Daar is geen klassisme as dit by kuns kom nie, van die hoogste amp tot die mens wat die nederigste lewe leef, neem deel aan dig-aande of “poetry readings” soos hulle dit noem. Kuns, musiek en letterkunde is deel van hulle dna en word glad nie beskou as n eksklusiewe aktiwiteit vir die intellektuele kringe nie.”
Vertel ons meer van die Italiaanse meisie in die lied. Wil Christof Berg hê dat ons haar naam weet?
“Al het ons paaie geskei, bly sy een van my groot inspirasies. Ek is nog in kontak met haar, maar ek het soveel respek vir haar, ek wil haar nie blootstel nie. Sy is wel bewis dat ek nog skryf oor ons tyd saam. Sy is n besonderse mens.”
Die skepping van jou Afrikaanse musiek gebeur alles op jou familieplaas Witkraal. Vertel ons meer van hierdie proses?
“Die hele Afrikaanse album gaan oor tuiskoms en Witkraal is vir my n tuiskoms, nie net na my geboortegrond nie, maar ook na Afrikaans en my wortels. Dit is waarom ek besluit het om die album hier te kom skryf. Ek het n ateljee ingerig en ek kan in stilte hier werk en herkou aan wonderlike herinneringe en rustig wag vir die groot kreatiwe bron om vir my elke keer n nuwe opdrag te gee.”
Deel met ons ons een kort snaakse gebeurtenis wat jy op jou reise beleef het
“In die noorde van Thailand was dit die gebruik vir die mans om net n groot stuk lap om jou middel te bind met niks anders aan nie, die tropiese weer was eenvoudig net te warm. Saans het ons bymekaar gekom en gekuier, maar niemand kon engels praat nie.”
“Daar was egter n drankie genaamd “saktong” wat dit verbasend maklik gemaak het vir my en my Thai vriende om mekaar te verstaan. Dit was asof die taalgrense heeltemaal verbrokkel het na n stewige paar skote daarvan. Dit is na so n aand van Saktong praat, wat my Thai vriende my toe uitgedaag het om n 30m hoe selfoon-toring te klim.”
“Met die durf van n boere-general het ek die aandbod tot hulle verbasing aanvaar en opgeseil teen die toring soos n blou-apie. Maar dis toe ek met n ballende vuis van oorwinning van doer-bo af my oorwinningssein gee, dat ek besef dat ek slegs die lap om my het en niks anders nie… Daar was net een pad af. Die slag n bietjie vinnger as n blou-apie. Met n geskater en n applous van die hoogs vermaakte groep Thais.”
Beskryf Christof Berg se musiek in 3 woorde
“Voel die lewe.”
Waar tree Christof Berg binnekort op?
“Hou my Facebook blad dop :)”
Ek wil hierdie geleentheid gebruik om vir Christof Berg te bedank vir die onderhoud. Ons wens hom als van die beste toe met sy toekomstige musikale avonture.
Kyk die video vir “Movie” hier onder:
Jy kan die liedjie HIER stroom / aflaai.
Meer inligting oor Christof Berg
Christof Berg het ‘n unieke musiekstyl, gevorm en beïnvloed deur sy kleurvolle Suid-Afrikaanse opvoeding sowel as sy avant-garde reiservarings. Christof het die warm hart van Afrika met gehore regoor Europa en die Verre Ooste.
Sy ko-produksies met simfoniese orkeste in Stellenbosch en Bloemfontein het wye lof gekry. Christof het toekennings vir Jazz Piano van WCOPA in Hollywood ontvang en het die Premierstoekenning in die Vrystaat (die provinsie waar hy gebore is).
Hou jou ogies oop vir gereelde opdaterings in die Interviews kategorie op SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
