Margaret’s Daughter het hulle nuuste snit “Worsteling” vrygestel. Indien julle nie geweet het nie, die groep bestaan uit Ami (‘n liedjieskrywer en sangeres) en Etienne Ghyoot (‘n multi-instrumentalis en produksie-leier).
Hierdie kitaar duo is geen nuweling tot die musiekbedryf nie. Hul maak al vir etlike jare lank saam musiek en pronk met verskeie albums en liedjies op die speellyste van Suid-Afrikaanse radio stasies.
Meer inligting oor Margaret’s Daughter
Margaret’s Daughter is hoofsaaklik as ‘n Engelse groep bekend, maar het ook al musiek in hul moedertaal vrygestel. Hul “show” is geslyp en verfyn deur honderde optredes regoor Suid-Afrika asook internasionale optredes in Spanje, Engeland, Mexiko en Mosambiek.
Die gekoordineerde kitaarspel en indrukwekkende harmonieë wat oor die jare sinoniem geword het met Margaret’s Daughter, is ook duidelik herkenbaar in hul Afrikaanse musiek.
Hul Afrikaanse snitte is oorwegend luister-liedjies, en vind aanklank by ‘n “Adult Contemporary” mark. Die lirieke is sinvol en handel dikwels oor die dieper dinge in die lewe, sonder om swaar te wees. Dus, ligte musiek met ‘n klein bietjie meer om die lyf.
Meer inligting oor “Worsteling”
Die duo se nuutste enkelsnit “Worsteling“ is geen uitsondering nie. Soos gewoonlik, het die groep self al die opnames en verwerkings behartig, en al die instrumente bespeel.
Die liedjie handel oor ‘n tweestryd; een wat ons almal so goed ken: volg jy jou hart of jou verstand? Die groep se passievolle vertolking van die sensitiewe onderwerp maak dat die lied jou met eerste oogopslag aangryp. Dit het ’n universele boodskap, wat die luisteraar kan troos en/of aanmoedig – afhangende natuurlik van die posisie waarin hul hulself bevind.
Sit terug, en word meegesleur deur “Worsteling”. Dis beskikbaar op alle digitale platforms, so stroom / koop dit NOU!
Wees op die uitkyk vir gereelde opdaterings in die Music News kategorie op SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
