Afrikaanse rock band, Kontras, se debuutalbum, Vir Konteks, is uiteindelik beskikbaar op alle digitale platforme. Die Stellenbosch band het al verskeie enkelsnitte hierdie jaar uitgereik, naamlik ‘Die Happy Song’, ‘Mors Jou Drank’, ‘Die Ruimtevaarder’ en ‘Velde’ (waarvan die laasgenoemde ‘n musiekvideo het) en elke snit was meer verskillend as die vorige een.
‘Velde’ en ‘Die Ruimtevaarder’ het elk geweldige ondersteuning ontvang op ‘Apple Music’ se editorial playlists (Alternatiewe Afrikaans), ‘Die Happy Song’ het landswye publisiteit ontvang as gevolg van sy onderwerpe oor vrouwees, en ‘Mors Jou Drank’ het vir meer as 10 weke gechart op KovsieFM se Clip Hard Rock Chart.
Wat Kontras se Vir Konteks ‘n stappie bo ander albums plaas, is dat daar iets vir almal is. Kontras het ‘n punt gemaak om vir almal konteks te gee oor wie hulle is en waar hulle vandaan kom; break-up songs, love songs, party songs, kwaadraak songs en politieke songs. Dit bou ‘n brug tussen alternatiewe en kontemporêre Afrikaanse musiek deur om gebruik te maak van elemente van elke genre.
Vir Konteks knoop in met die huidige globale en politiese omstandighede van die afgelope tien jaar, maar is ook nie bang om die mens as individu onder die mikroskoop te plaas nie. Songs soos “Chemikalieë”, “Parafien Paradys”, en “Die Mislukte Rewolusie” is nie bang om die status quo van Afrikaanse kultuur te bevraagteken nie, terwyl tong-in-die-kies songs soos “Peruvian Flu” en “Mors Jou Drank” ons herinner om jouself nie altyd te ernstig op te neem nie. “Velde”, “Die Ruimtevaarder” en “Die Happy Song” herinner ons weer dat selfs al lyk die lewe soms moeilik, daar is altyd hoop, gewoonlik gevind deur liefde van jou naastes.
“Gee Meer” & “Sprokies Katastrofies” handel weer oor die worsteling binne ons eie psige en vat onderwerpe soos angs, selfverwyt en geestesgesondheid direk aan. “Sout In My Are” is ‘n huldeblyk aan mense wat enige iets sal doen om brood op die tafel te sit, terwyl “Jou Eie Kruisiging” bybelmetafore gebruik om die einde van ‘n verhouding te visualiseer.
Jacques Groenewald praat oor die betekenis Vir Konteks
“’Ons as mense mis soveel keer die ware konteks agter wat vir ons gesê word deur ander. Selde krap ons dieper as die oppervlak. Vir Konteks is ‘n dieper krap vir ‘n groter jeuk, wat ons voel ons nie kan bereik nie”
Meer inligting oor Kontras
‘n Band wat gevorm het tussen klasse by die Universiteit van Stellenbosch, Kontras het hul debuut gesien in Februarie van 2018 toe Jacques Groenewald (hoofsanger), Daniël Botha (dromme), Andrew Veldman (kitaar) en Louwrens Labuschagne (baskitaar) agtergekom het daar is ‘n tekort in Afrikaanse musiek; musiek wat eg voel. Oor die afgelope 2 jaar, het hulle Side A en Side B vrygestel, waarop ‘Middelklas Middelman’ gehoor kan word.
Hierdie enkelsnit het vir Kontras baie gedoen, veral nadat dit ondersetuning vanaf Afrikaans is Groot, KykNET, Huisgenoot, MaroelaMedia, Sterre, Afrikaanse Musiek Nuus, Texx and the City, Plektrum Musiek en nog vele ander publikasies gekry het. Kontras het al meer as 62 000 plays gekry op digitale platforms en is dit steeds besig om vinnig te groei.
Kontras se musiek kan gehoor word op radiostasies regoor Suid-Afrika soos BokRadio, OneFM, MFM,
KovsieFM, LekkerFM, Radio Overberg, GrindRadio, TreffersFM, GrootFM, BayFM, en HosaRadio om
net ‘n paar te noem.
Kontras het al verskeie feeste gespeel soos Rocking Stellies, The International Tequila Festival, en I Love Stellies waar hulle al verhoë gedeel het met kunstenaars soos Fokofpolisiekar, Jack Parow, The Plastics, Willim Welsyn, The Kiffness, Straatligkinders, Early B, Van Pletzen, YoungstaCPT, Tasché en Die Heuwels Fantasties onder andere.
Wees op die uitkyk vir gereelde opdaterings in die Music News kategorie op SA Music Zone.
To stay in the loop with all things SA Music, Subscribe to our newsletter or if you're looking for something to do, check out our SA Gig Guide.
If you like what we do and you want to support us, feel free to buy us a coffee!
Want to discover fresh music? Follow our editor's 2025 playlist on Spotify or YouTube Music. These playlists are updated regularly.
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
