Corné Pretorius se debuut album “Halfvol” is pas uitgereik. Indien jy nie geweet het nie, hy is een van die mees opwindende nuwe stemme in Afrikaanse musiek.
Die streng inperkings-reëls in 2020 het vir Corné Pretorius, `n bedrywige besigheidsman, skielik die kans gegee om sy droom om `n sanger te wees, te begin uitleef. Binne `n jaar het hy reeds groot sukses behaal met sy debuut-liedjies “Vuur en Vlam”, “Vergewe My”, “Halfvol” en “Biertjies.” Die nuutste enkelsnit “Liefde is `n Werkwoord” is verlede maand uitgereik.
Corné Pretorius sê dat hy mense wil aanmoedig om, ten spyte van die probleme wat die wêreld tans in die gesig staar, hul drome na te volg. “Enigeiets is moontlik!” sê hy. “Ek kan nie glo dat dinge binne `n jaar so lekker vir my musiek-loopbaan uitgerol het nie. My songs doen baie goed op radio en ek het liedjies opgeneem met Die Heuwels Fantasties, Hunter Kennedy, Loki Rothman en Margot Rothman en die verhoog gedeel met Francois van Coke, Early B en Jack Parow. En nou het ek `n album om bekend te stel!”
Richard Onraet wat meeste van die musiek-verwerking op Pretorius se liedjies doen sê dat dit vir hom opvallend is, dat alhoewel verskeie kunstenaars aan liedjies vir sy album geskryf het, Pretorius se eie klank en gevoel tydens opnames sterk deurgekom het. “Dit wissel tussen pop, elektroniese en selfs country, maar op die album as geheel, word mens weggeblaas deur Corné se unieke, sielvolle stem.”
Hunter Kennedy is een van die mees belangrike rolspelers in Corné Pretorius se musiek-loopbaan. Kennedy het ses van die tien liedjies op “Halfvol” geskryf. Kennedy vertel: “Ons het maar net geclick. Hy het groot geword in dieselfde woonbuurt as ek, so ek dink daar was ’n mikrokultuur as anker vir ons om oor die weg te kom.”
Die res van die liedjies is deur Francois van Coke (“Vuur en Vlam” en “Halfvol”), Loki Rothman (“Werk toe” en “Terug”) en Jani Greeff (“Sal dit jou gelukkig maak”) geskryf. Margot Rothman, wat saam met Corné Pretorius laasgenoemde sing, sê: “Toe ek dit die eerste keer hoor het ek onmiddellik geweet dat ek baie graag deel wil wees van die opname van hierdie besonderse lied. Ek dink Corné het ‘n wonderlike nuwe klank wat die industrie nou nodig het en dis so lekker om deel te kan wees van `n projek wat `n bietjie vars lug bring.”
“Die inperkingstyd en hoe almal skielik vasgevang voel in hul eie huise het my laat dink oor die emosionele mure en heinings wat ons almal in ons verhoudings met ander bou, en hoe ons almal grense het,” vertel Jani Greeff oor die skryf van “Sal dit jou gelukkig maak. Ek dink Corné Pretorius en Margot se dialoog is iets wat almal kan verstaan.”
Meer inligting oor Corné Pretorius se album “Halfvol”
Die album in geheel is `n samewerking deur `n gedugte span musikante: die skryf en collabs en dan was daar ook vier gewilde musiek-vervaardigers wat aan liedjies op die album gewerk het: Fred den Hartog, Johnny de Ridder, Richard Onraet en Loki Rothman.
Corné Pretorius sê dat dit ook nog vir hom die kersie op die ‘plate-koek’ was toe Pierre Greeff van Die Heuwels Fantasties ingestem het om die uitreiking van die album te bestuur. “Ek het `n wonderlike span agter my en ons sien uit dat mense die album hopelik net so geniet om te luister, as wat ons dit geniet het om dit te maak!”
Jy kan “Halfvol” (die album) op Spotify en alle major stroom platforms stroom / download.
Wees op die uitkyk vir gereelde opdaterings in die Music News kategorie op SA Music Zone.
To stay in the loop with all things SA Music, subscribe to our newsletter or join our WhatsApp Community.
If you like what we're doing for the SA Music Scene, feel free to buy us a beer!
If you're looking for something to do, check out our SA Gig Guide. Alternatively. feel free to check out our Featured Posts or scroll down to see a list of related posts.
Want to discover fresh music? Follow our editor's 2025 playlist on Spotify or YouTube Music. These playlists are updated regularly.
Feel free to follow @hennokruger on TikTok or subscribe to SA Music Zone on YouTube.
If you're looking for the latest entertainment news, check out Running Wolf's Rant.
Feeling factual? Check out Interesting Facts.
