Kaapstad-gebaseerde sangeres en liedjieskrywer Dani Villé keer terug met ’n splinternuwe enkelsnit getiteld “Jy’s Okay”. Hierdie akoestiese-pop liefdesliedjie is geïnspireer deur haar tyd in Berlyn, waar sy in 2023 vir drie maande haar musiek met internasionale gehore gedeel het.
Dani beskryf dié tyd as lewensveranderend: “Ek het ongelooflike musiekervarings in Berlyn gehad en wonderlike mense in die internasionale musiekbedryf ontmoet. Maar ek het my kêrel en my mense vreeslik gemis. Ná ’n maand het ek begin wonder of ek die regte besluit geneem het.”
Dit was uiteindelik haar kĂŞrel se ondersteuning wat haar geĂŻnspireer het om aan te hou – en wat aanleiding gegee het tot die ontstaan van “Jy’s Okay”.
’n Liedjie vol gevoel – vasgevang in elke noot
Die liedjie is opgeneem by Ollyvan Studios saam met Olly van Schalkwyk, en Dani beskryf die opnameproses as ’n absolute fees. “Ons het doelbewus met akoestiese-pop elemente gewerk – genoeg ritme, maar met ruimte vir emosie. Ek wou hĂŞ die gevoel waarmee ek die lied geskryf het, moes gehoor en ervaar kan word. Ek kon nie vir ’n beter eindresultaat vra nie.”
Met “Jy’s Okay” skop Dani ’n nuwe hoofstuk in haar musikale reis af – een wat persoonlik, eerlik en vol gevoel is.
Kyk die musiekvideo vir “Jys Okay” hier onder:
Jy kan “Jys Okay” HIER stroom/aflaai.
Dani Villé is ’n Onafhanklike kunstenaar met diep wortels
Dani Villé het in 2020 haar eerste selfgetitelde EP vrygestel onder Universal Musiek, met treffers soos “Verdwaal”, “Twee keer”, “Ek soek net vir jou” en “As ek sing”.
Sedertdien het sy haar onafhanklike teenwoordigheid op platforms soos Spotify, iTunes en Deezer gevestig, met nuwe liedjies soos “Blinkers”, “Alles”, “Liefdeskind” en “Ruled by You” wat daarop gevolg het.
Sy besef egter dat talent nie genoeg is om in die musiekbedryf te floreer nie. Daarom het sy in 2020 vir ’n Diploma in Musiekbesigheid ingeskryf by COPA (Campus of Performing Arts) in Kaapstad. “Ek weet nou dis nie net goeie liedjies wat jou vat waar jy wil wees nie — dit verg harde werk en strategiese beplanning.”
Buite haar eie loopbaan, neem Dani Villé ook gereeld deel aan konserte by haar familie se buitelug-musiekteater. In die somermaande tree sy saam met van Suid-Afrika se grootste kunstenaars op, waaronder Spoegwolf, Refentse, Elvis Blue, Kahn Morbee, Elandré, en Riaan Benadé.
Met ’n vol kalender, nuwe liedjies op pad, en ’n passie wat aanhou groei, wys Dani Villé dat sy nie net ’n kunstenaar is nie — maar ’n storieverteller, ’n entrepreneur, en ’n stem wat in die Suid-Afrikaanse musiektoneel gehoor móét word.
Hou jou ogies oop vir gereelde opdaterings in die Music Videos kategorie op SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
