Angie oeh se laaste opname ‘Spoor’ is deur Peach van Pletzen by Planet Awesome opgeneem minder as twee weke voordat sy haar stryd teen kanker verloor het. Hierdie snit word as twee weergawes vrygestel in ‘n kortspeler getiteld Vir Angie.
Die snit ‘Vir Angie’ is ‘n samewerking met Van Pletzen en ‘Spoor’ is die alleenstaande Angie oeh-enkelsnit. Die laaste lirieke wat sy opgeneem het is “ons lewe is net ‘n spoor”, wat waar is van Angie se kort lewe op aarde en in die musiekbedryf. In van haar voice notes aan Peach het sy gesê dat dit haar “beste werk nog is”.
Angie en Peach was in die laaste twee maande voor haar sterfte besig om saam te werk aan musiek vir ‘n nuwe Afrikaanse reeks op Showmax wat op ‘n latere datum uitgesaai sal word.
Peach Van Pletzen vertel ons hoe dit was om saam met Angie oeh te werk
“Ons albei het die proses baie geniet, en alhoewel sy baie siek was (sy het gedink dis longontsteking) het sy nooit studio sessies gemis nie. Sy het ook langs my gesit en record en nie in die booth soos in die verlede nie. Sy was geditermineerd en het aangedring om te werk.”
“Ek het meer van die regte Angie begin sien en hoor in haar vocals en lirieke en minder van Angie oeh. Dit was asof die buffer van die projek haar op ‘n manier bevry het van haar eie idees rondom “Angie oeh” en sy haar ware self en met ‘n rouheid, eerlikheid en opregte diepte kon channel.”
Peach van Pletzen het oorspronklik die musiek vir ‘Spoor’ geskep toe hy 24 was. Nadat hy gesukkel het om ‘n melodie te skryf wat by die musiek pas, het hy die musiek aan die 24-jarige Angie oeh oorhandig en sy het die refrein geskryf en opgeneem op ‘n 14 jaar oue snit.
Peach Van Pletzen vertel ons meer hieroor
“14 Jaar later het Angie op dit kom sing. Sy was ook 24 jaar oud. ‘n Feit wat eers na my occur het toe ek die aand van 19 Augustus huis toe ry vanaf af die hospitaal af na sy oorlede is.”
Die oggend na Oeh se heengaan op 19 Augustus het Van Pletzen teruggegaan na Planet Awesome en ‘n huldeblyk aan Angie op ‘Spoor’ opgeneem en dit as ‘Vir Angie’ getitel.
Hierdie samewerking is ‘n diep en persoonlike uitdrukking van Van Pletzen se verlies nadat hy aan Oeh se sy was ten tyde van haar heengaan. Die twee het saam aan Angie se kortspelers, Sex in Afrikaans en Mooiste Meisies gewerk en het sedertdien goeie vriende geword.
Van Pletzen verklaar dat Angie anders in die studio was voor haar heengaan. Sy was meer selfversekerd in haar benadering en minder krities oor haar eie musiek as wat sy in die verlede was.
Daar is baie kwesbaarheid in om ‘Spoor’ met die publiek te deel. Die snit is geskep deur twee goeie vriende in ‘n liefdevolle ruimte, met musiek wat albei kunstenaars in hul 24ste jaar geskep het. Baie jare se lewe en ervaring het in hierdie finale Angie oeh-projek ingegaan en albei kunstenaars was trots en opgewonde om ‘Spoor’ vry te stel.
Oeh en Van Pletzen het reeds saamgewerk voor haar eerste kankerverwante operasie in 2022. Ten tyde van die opname van ‘Spoor’ is daar steeds aangeneem dat Angie oeh longontsteking gehad het. Haar diagnoses van stadium 4 longkanker is gemaak ses dae ná haar laaste opname by Planet Awesome.
Albei snitte word as ‘n huldeblyk tot Angie oeh vrygestel en ook as ‘n geskenk aan haar familie, vriende en aanhangers.
Kyk die “Vir Angie” liriekevideo hier onder:
Jy kan die Vir Angie EP HIER stroom / aflaai.
Hou jou ogies oop vir gereelde opdaterings in die Music News kategorie op SA Music Zone.
To stay in the loop with all things SA Music, subscribe to our newsletter or join our WhatsApp Community.
If you like what we're doing for the SA Music Scene, feel free to buy us a coffee!
If you're looking for something to do, check out our SA Gig Guide. Alternatively. feel free to check out our Featured Posts or scroll down to see a list of related posts.
Want to discover fresh music? Follow our editor's 2025 playlist on Spotify or YouTube Music. These playlists are updated regularly.
Feel free to follow @hennokruger on TikTok or subscribe to SA Music Zone on YouTube.
If you're looking for the latest entertainment news, check out Running Wolf's Rant.
Feeling factual? Check out Interesting Facts.