Soms is daar oomblikke wat in jou geheue vasbrand – stil, tydlose tye wat ’n lewe lank bybly. Vir die Afrikaanse musiekgroep Rooksein, was so ’n oomblik die inspirasie vir hul mees onlangse enkelsnit, “Sonsak In Die Vrystaat”.
“Ons het net klaar ’n optrede gehad en was oppad terug toe ons dié ongelooflike sonsondergang sien – die hele lug was ’n mengsel van goud en oranje, net daar oor die oop Vrystaatse vlaktes,” vertel die groep. “Daardie toneel het iets in ons wakker gemaak – iets mooi, iets eg – en die lied was gebore.”
“Sonsak In Die Vrystaat” is ’n liefdeslied, maar dis meer as dit. Die lirieke skets prentjies van grondpaaie, oop lande, koringare en eindelose horisonne – alles teen die agtergrond van verlange, verwondering en daardie een spesiale persoon wat jou wêreld verander.
“Dis vir daardie iemand wat jou wêreld mooi maak – net soos ’n sonsak oor die Vrystaat,” sê Rooksein. “Of jy self van die Vrystaat is of net smag na eenvoud en opregtheid – ons hoop hierdie lied tref jou hart.”
Met hul unieke styl van hartlike storievertelling en sielvolle klank, het Rooksein reeds ’n lojale aanhang opgebou regoor Suid-Afrika
Liedjies soos “Kyk Na My Hart” en “Damlelielief” het die groep se vermoë bevestig om temas van liefde, verlies en identiteit op ’n egte en toeganklike manier aan te spreek.
“Musiek is ons manier om iets betekenisvol te sê – iets wat ander mense hóór,” sê hulle. “Ons is net drie jongmense wat mal is oor musiek, en bevoorreg is om dit voltyds te mag doen.”
“Sonsak In Die Vrystaat” is nou beskikbaar op alle digitale platforms – ’n ode aan landskap en liefde wat beslis by luisteraars sal aanklank vind.
Kyk die lirieke video vir die liedjie hier onder:
Hou jou ogies oop vir gereelde opdaterings in die Music Videos kategorie op SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
