Sedert die vrystelling van die twee merkwaardige musikante, Petronel Baard en Johan Liebenberg, se sielvolle duet, “Mag Jy”, einde 2023, is die musiekwêreld behoorlik aan die gons.
Nie net is dié alternatiewe skepping uit Helena Marais se pen gewild onder Afrikaanse musiekliefhebbers nie, maar dit word ook gereeld gespeel deur groot radiostasies reg oor die land, waaronder Bok Radio en Pretoria FM.
Dit is duidelik dat hierdie verwerking deur Schalk Maas en David Cruickshank, wat Baard beskryf as ’n seënwens en herinnering aan liefde, die verbeelding behoorlik aangegryp het.
So ’n spesiale lied, met so ’n kragtige boodskap, verdien natuurlik ook om verder gevier te word en daarom het die paar besluit dat die tyd reg is om die musiekvideo met aanhangers te deel.
Hierdie besonderse video, wat beslis sal aanklank vind by oud en jonk, is verfilm deur Efpe Senekal en speel af op verskeie uitsoekplekke in Kleinbrakrivier in die Mosselbaai omgewing.
“Efpe is regtig ’n goeie storieverteller met films, veral ook musiekvideo’s wat in ’n kort tydjie ’n liedjie se boodskap visueel moet oordra.” sê Petronel.
Die tema van die lied is geïnspireer deur die geboorte van Helena se vriendin se dogter en hoe spesiaal dit vir haar was om te aanskou hoe ’n nuwe lewe die wêreld inkom; met al die moontlikhede en uitdagings wat nog voorlê. Hierdie konsep is ook vir die video gebruik.
“Twee seuntjies, regtig maats in die regte lewe, baljaar rof en lekker in die modder en see, kamp en help mekaar op waar hul klouter op ’n treinbrug, braai malvalekkers om die vuur en baljaar ordentlik soos net kinders kan. Dit word gekombineer met my en Johan, wat in ’n mooi ateljee-omgewing sing,” verklap sy.
“Die boodskap word onderskraag dat die lewe, gebore uit kinderherinneringe van vriendskap, ondersteuning en samesyn, nooit weggaan nie en dat ’n mens aanhou goeie wense wens vir diegene vir jy omgee.”
Kyk die video hier onder:
Meer inligting oor Petronel Baard
Petronel Baard, ’n passievolle kabaretster met ’n strelende storievertellerstem, het oor die afgelope vyf-en-twintig-jaar reeds diep spore in die musiekbedryf kom trap en is al met talle toekennings vereer.
Wanneer sy nie sing nie, werk dié veelsydige vrou ook as mentor vir ATKV-Crecsendo en vervaardig haar eie verhoogproduksies, wat by groot kunstefeeste opgevoer word. Tweeluik, ’n lieflike woordkuns- en musiekreis saam met die skrywers Chanette Paul en Jan van Tonder asook die sangeres Alzanley, sal op 26 Maart by KKNK te sien wees.
Meer inligting oor Johan Liebenberg
Johan Liebenberg het in 2004 sy buiging op die Barnyard-verhoog gemaak as kitaarspeler, maar sy sangtalent is gou ontdek waarna hy in 2009 genader is om Niel Diamond- en Céline Dion-huldeblykvertonings te doen.
Oor die jare, het hy nie net saam met verskeie musikante gewerk op hulle en sy eie albums nie, maar ook die verhoog gedeel met talle bekendes. Vanjaar sal hy ook deel wees van die vermaak op die gewilde Bokboot.
Op aanvraag en aanmoediging van die publiek, span Petronel en Johan op 16 April 2024 kragte saam vir hulle heel eerste lewendige vertoning saam, getitel Nana & Friends. Tydens hierdie opwindende konsert, sal hulle musiekinvloede, in ’n intieme teater-omgewing, met kitaar en klavier besing word.
Musiek van Nana Mouskouri, Piaf, Keith Urban, Leonard Cohen, asook heelwat oorspronklike werke sal opgevoer word, waaronder ’n akoestiese weergawe van “Mag Jy”. Saam met Schalk Maas op die mondfluitjie, beloof dit om ’n baie besonderse aand te wees. Kaartjie is HIER beskikbaar.
Hou jou ogies oop vir gereelde opdaterings in die Music Videos kategorie op SA Music Zone.
To stay in the loop with all things SA Music, subscribe to our newsletter or join our WhatsApp Community.
If you like this website is doing for the SA Music Scene, feel free to buy us a beer!
If you're looking for something to do, check out our SA Gig Guide. Alternatively. feel free to check out our Featured Posts or scroll down to see a list of related posts.
Want to discover fresh music? Follow our editor's 2024 playlist on Spotify or YouTube Music or check out his 2024 Music Videos playlist on YouTube. These playlists are updated regularly.
Feel free to follow @hennokruger on TikTok or subscribe to SA Music Zone on YouTube.
If you're looking for the latest entertainment news, check out Running Wolf's Rant.
Feeling factual? Check out Interesting Facts.
Serious about cybersecurity? Safeguard your online privacy and access global content securely with Private Internet Access VPN — your ultimate shield against digital threats!
