Met die onlangse inperkperiode en maande aaneen se man-alleen worsteling in sy tuisstudio, keer die Kaapse rock talent, Jack Stone, terug na sy erfenis met sy eerste Afrikaanse EP Refleksie.
Jack Stone vertel ons meer oor dit
“Afrikaans is immers my moedertaal, en ek het onlangs ‘n nuwe verbintenis daarmee gevorm, een wat ek nou trots dra. Ek voel die tyd is nou ryp vir sielvolle Afrikaanse musiek en dat ek nou reg is om hierdeur myself waarlik met my luisteraars te deel.”
Jack het die afgelope 14 jaar met sy vars klank, unieke stem en energieke styl sy merk tydsaam in die plaaslike musiekbedryf gemaak. Na sy vollengte Engelstalige album Walk On in 2012 het daar talle Engelse solo-snitte soos Blood Sweat & Years, Common Rejection (2014), The Rapture (2015) en Summer Love (2018) uit sy kreatiwiteit verskyn. So ook die mini-album Grace in 2011, met sy heel eerste EP onder die solo handel Jack Stone.
Jack verkies dat sy musiek nie in ‘n boksie geplaas word nie
“Wie weet, dalk skep Refleksie ’n splinternuwe vibe.” meen hy. Hy het wel ‘n ingebore passie vir verskeie genres en vind keer op keer sy inspirasie deur ‘n wye klank. Op eie bodem inspireer kunstenaars soos Francois van Coke, Ard Matthews en Arno Carstens (saam met wie hy ook al in die verlede opgetree het) hom, maar sy unieke styl bly onmiskenbaar. Met sy absolute aanleg vir ‘n verskeidenheid van instrumente (namens die kitaar, baskitaar en klavier) en liefde vir rou lirieke, is hierdie EP geen verbasing nie en merk beslis weer ’n klas van sy eie.
Jack Stone se skryf proses is baie organies en daar is nooit ’n spesifieke formule of mark in gedagte nie
“Dit sal dan kunsmatig wees; en oneerlik. Aan die einde van die dag is die musiek my eerste doelwit, en om my waarheid met my musiek aan my luisteraars oor te dra. Partykeer kan net ’n woord of sin my inspireer en ander kere ‘n gedagte of melodie. Die liedjies Vraagstuk, Dagbreek, Revolusie en Onthou Jy Nog, het byvoorbeeld hulself gekies in die tyd wat ek my wortels verken het, ek het bloot bloed en sweet bygevoeg.”
Refleksie is die eerste deel van n volledige Afrikaanse album wat in gedeeltes vrygestel gaan word oor die volgende ses maande, en fokus op introspeksie, groei, en aanvaarding. Die album lê duidelik klem op Jack se klank as musikant en skrywer, maar daar is nog ‘n paar verrassings wat voorlê op die album en vorentoe, onder andere samewerking met kunstenaars soos Hunter Kennedy (Die Heuwels Fantasties, Fokofpolisiekar) op een van die liede op Refleksie.
Saam met die vrystelking van Refleksie kan ondersteuners uitsien na vele musiek videos, onderhoude en optredes, asook (wanneer die inperk periode dit toelaat) landwye toere met ‘n volle band en produksie.
Apart van Refleksie, werk Jack ook hard aan sy nuwe engelse vollengte album Forever These Years. Jack het reeds meeste van die liedjies hiervoor geskryf en die album is nou in sy pre-produksie fase. Sy voornemens is om hierdie album later vanjaar uit te reik gevolg deur ’n landswye konserttoer om die kollig met Refleksie te deel.
Kyk die musiekvideo vir “Dagbreek” (een van die liedjies op die EP) hier onder:
Kyk die liriekvideo vir “Vraagstuk” (nog ‘n liedjie van die EP af) hier onder:
Jack Stone (en Die Bende) is tans op toer, maak seker jy kyk een van sy shows in ‘n bar / restaurant naby jou:
Refleksie is beskikbaar op al jou gunsteling stroom dienste. Jy kan die EP HIER luister op Spotify.
Wees op die uitkyk vir gereelde opdaterings in die Music News kategorie op SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
