Die bekroonde sanger en liedjieskrywer Arno Carstens keer terug weer na sy Afrikaanse wortels met sy nuwe enkelsnit “Hoe Gaan Dit”, wat op op Vrydag 1 Maart 2024 (vandag) bekend gestel is. Hierdie aangrypende liedjie, is die eerste snit vanaf Carstens se langverwagte EP Sewe Sakke Hoop, wat op 24 Mei uitgereik word.
`n Persoonlike vriend wat landuit is het Carstens geiinspireer om hierdie besonderse liedjie te skryf. “Hoe Gaan Dit” delf in die rou emosies en leemtes wat gelaat word deur vriende wat geëmigreer het.
Die gevoel van verlange word raakgevat in die melankoliese melodieë waarin Carsten die redes agter die vriend se vertrek erken, maar tog wel treur oor die afstand wat dit skep. “Hoe Gaan Dit” is `die toonaangewende snit vir die versameling van vyf nuwe liedjies wat as `n EP uitgereik gaan word.
Meer inligting oor Arno Carstens
Arno Carstens is al vir meer as drie dekades een van die mees vooraanstaande kunstenaars op die Suid-Afrikaanse musiektoneel. As voorsanger van die baanbrekers-groep Springbok Nude Girls asook `n suksesvolle solo kunstenaar, het Carstens oor die jare groot sukses plaaslik, sowel as internasionaal bereik.
Sy indrukwekkende diskografie strek oor 15 albums wat hom, onder andere, verskeie gesogte SAMA Musiektoekennings besorg het. Carstens se vorige album Die Aandblom 13, was `n Afrikaanse juweel. Dit was `n eerbetoning aan sy grootwordjare en en dit het gespreek van sy besonderse vermoë om verhale van liefde, ontwaking en verandering in betekensisvolle liedjies te omskep.
Die Sewe Sakke Hoop EP wat in Mei uitgereik word, bied `n vars perspektief en nuwe stories. Dit handel tematies oor die konstante veranderinge wat ons is die lewe en ons omstandighede ervaar. Hoe om te navigeer met die pendulum wat heen en weer swaai, sodat eindelose hoop op `n beter toekoms altyd bly voortspruit.
Arno Carstens vertel ons meer oor “Hoe Gaan Dit”
“Hierdie liedjie konfronteer die leegheid wat gelaat word deur vriende en geliefdes wat Suid-Afrika verlaat. Dit is `n ode wat ek geskryf het aan diegene wat ons op hierdie manier verloor het en dit lewer kommentaar oor die werklike impak van sulke drastiese afstande op vriendskappe.”
Jy kan “Hoe Gaan Dit” HIER stroom / aflaai.
Hou jou ogies oop vir gereelde opdaterings in die Music News kategorie op SA Music Zone.
Like what you do? Buy us a coffee to enable us to bring your more content like this.
Want to stay in the loop with all things SA Music? Get in the Zone!
Looking for something to do? Check out our Upcoming Events section or the SA Gig Guide.
Want to explore the SA Music Scene? Check out our Artist/Band/Group Profiles section.
Want to discover fresh music? Follow check out editor's playlists on Spotify or YouTube.
