Die verhaal van Ard Matthews en Tanya van Graan word gedefinieer deur die noodlot, gedeelde kreatiewe denke en `n diep verbintenis met mekaar.
Ard Matthews, `n ikoniese figuur in Suid-Afrikaanse musiek met `n nalatenskap wat oor dekades strek, en Tanya van Graan, `n bekende aktrise wie se vertolking in die huidige M-Net trefferreeks Summertide, die publiek se verbeelding aangegryp het, is meer as `n kragpaar, hulle is ook artistieke vennote wat `n betekenisvolle verbintenis in mekaar gevind het.
Die nuwe Afrikaanse enkelsnit “Die Rede” is op Vrydag 22 November uitgereik. Ard het die liedjie `n rukkie terug reeds geskryf, maar nooit daarby uitgekom om dit op te neem nie. Toe hy en Tanya `n paartjie word, was dit `n natuurlike gevolg – en hy het haar oortuig om ook saam met hom op die liedjie te sing.
Ard Matthews vertel ons meer
“Die Rede” simboliseer `n diep konneksie tussen my en Tanya. Ek het dit nie destyds geweet nie, maar ek het die liedjie eintlik vir haar geskryf.”
Dit is ook Ard Matthews se eerste Afrikaanse liedjie wat dit nog meer opwindend en betekenisvol maak.
Dié glanspaartjie se liefdesreis word gekenmerk deur serendipiteit en betekenisvolle oomblikke. Tanya het die besluit geneem om haar deurslaggewende rol in die gewilde M-Net reeks Summertide te aanvaar terwyl sy op `n spesifieke bankie by Houtbaai-strand gesit het, die einste bankie waar Ard elke oggend sy handdoek los terwyl hy in die yskoue see gaan swem.
Klein, dog diepgaande verbintenisse soos hierdie,het die weg gebaan vir hul paaie om te bly kruis op `n manier wat nie een van hulle kon voorsien het nie. Saadjies van hul vennootskap was oral gesaai, nie net in `n onmiskenbare liefdesband nie, maar ook as mede-kreatiewe skeppers.
Ard Matthews is `n ikoniese solo kunstenaar en is ook die voorsanger vir die gewilde SA groep Just Jinjer.
Min mense weet dat sy pa, Andries Brits, Afrikaans was. Ard het hom eers op 17 jarige ouderdom ontmoet en het `n wonderlike band met hom gehad, tot Andries se heengaan in 2007.
Ard Matthews vertel ons meer hieroor
“My pa het ook `n musikale agtergrond gehad, dus is daar vir my `n gevoel van trots en samehorigheid, met Tanya as my geliefde en die erfenis van waar my pa, en dus ek ook, vandaan kom.”
Tanya se reis van grootskerm na alteljee weerspieël die natuurlike evolusie van haar kunstenaarskap. Sy geniet dit om saam met Ard te leef en te werk.
Tanya van Graan vertel ons meer hieroor
“Ons samewerking is meer as net `n projek, dit is `n bewys en ontgunning van `n liefde wat op die mees opregte en onverwagte maniere floreer. Dis asof ons persoonlike geskiedenisse en hoop vir die toekoms, soomloos in `n gedeelde kreatiewe visie versmelt.”
Die video van “Die Rede” was `n spontane verfilming van tyd wat Ard Matthews en Tanya van Graan saam spandeer, die meeste daarvan terwyl hulle in die motor ry en sing.
Tanya van Graan vertel ons meer hieroor
“Dis vir ons `n organiese keuse, ons is nie net twee sangers wat saamwerk nie, ons is gelukkig saam en ons sing dit vir mekáár.”
“Die Rede” is `n ware liefdesverhaal. Dit bring hoop en is `n aansteeklike liedjie vir die somervakansie. Afrikaanse aanhangers van Ard Matthews gaan ook bly wees om die eiesoortige klank van Ard te herken, in hul mooiste taal.
Jy kan die liedjie HIER stroom / aflaai.
Hou jou ogies oop vir gereelde opdaterings in die Music Videos kategorie op SA Music Zone.
To stay in the loop with all things SA Music, subscribe to our newsletter or join our WhatsApp Community.
If you like what we're doing for the SA Music Scene, feel free to buy us a beer!
If you're looking for something to do, check out our SA Gig Guide. Alternatively. feel free to check out our Featured Posts or scroll down to see a list of related posts.
Want to discover fresh music? Follow our editor's 2024 playlist on Spotify or YouTube Music. These playlists are updated regularly.
Feel free to follow @hennokruger on TikTok or subscribe to SA Music Zone on YouTube.
If you're looking for the latest entertainment news, check out Running Wolf's Rant.
Feeling factual? Check out Interesting Facts.
